በጋምቤላ ክልል ከቀናት በፊት ተከስቶ በነበረው የፀጥታ ችግር እጃቸው አለበት የተባሉ የመንግስት አመራሮች በቁጥጥር እየዋሉ ነው ተባለ፡፡

ጥር 21/2018

በጋምቤላ ክልል ከቀናት በፊት ተከስቶ በነበረው የፀጥታ ችግር እጃቸው አለበት የተባሉ የመንግስት አመራሮች በቁጥጥር እየዋሉ ነው ተባለ፡፡

የክልሉ ሠላም አሁን ላይ በአንጻራዊነት መሻሻል ማሳየቱንም የጋምቤላ ክልል ፖሊስ ኮሚሽን ነግሮናል፡፡

በጋምቤላ ክልል ከተወሰኑ ሣምንታት በፊት ተከስቶ የነበረው የፀጥታ ችግር አሁን እየተፈታ ነው ተብሏል፡፡

የክልሉ መንግስት በጊዜው ባወጣው መግለጫ የመጣውን ሰላም እና ልማት ወደ ኋላ ለመመለስ እየሰሩ ያሉ እኩይ ሀይሎች ያላቸው ወገኖች ፤ በየቦታው ሰዎች በመግደል ፤ ተሽከርካሪዎች ላይ ጥቃት በማድረስ እና ህይወት እንዲጠፋ በማድረግ ጉዳት አድርሰዋል ማለቱ ይታወሳል።

የፀጥታ አካላትን እና አመራርን ዒላማ በማድረግ ክልሉን ወደ ለየለት የህዝቦች እልቂት ለማስገባት የተለያዩ ሙከራዎች ሲደረጉ ተስተውለዋል ሲልም በመግለጫው ጠቅሶ ነበር፡፡