በንግድ ስራ መሰማራት ለሚፈልጉ ሰዎች ምቹ ሁኔታዎች እንዲኖሩ በትኩረት እየተሰራ እንደሚገኝ የንግድና ቀጠናዊ ትስስር ሚኒስቴር ተናገረ።

የካቲት 19/2018

በንግድ ስራ መሰማራት ለሚፈልጉ ሰዎች ምቹ ሁኔታዎች እንዲኖሩ በትኩረት እየተሰራ እንደሚገኝ የንግድና ቀጠናዊ ትስስር ሚኒስቴር ተናገረ።

በህጋዊ መንገድ በስራው ለመሳተፍ የሚገጥሙ ችግሮች ሰዎችን ወደ ህገ ወጥ መንገድ እየገፉ ነው ተብሏል።

በኢትዮጵያ ህጋዊ ያልሆነ ንግድ ከመቀነስ ይልቅ እየተባባሰ መምጣቱን ከሠሞኑ የኢትዮጵያ የንግድና ዘርፍ ማህበራት ምክር ቤት ባዘጋጀው አንድ ውይይት ላይ ሲነገር ሠምተናል።

ለዚህ እንደ ማሳያ የሚጠቀሰው በኮንትሮባንድ ወደ ሀገር ውስጥ የሚገባ መድሃኒት ነው።

መድሃኒት አምስት በመቶ እንኳን የማይሞላ በጣም አነስተኛ ቀረጥ እና ታክስ ተከፍሎባቸው ወደ ሀገር ውስጥ ከሚገቡ ምርቶች አንዱ እንደሆነ ፤ የኢትዮጵያ ጉሙሩክ ኮሚሽን የህግ ተገዥነት ዘርፍ ምክትል ኮሚሽነር አቶ እዘዘው ጫኔ ይናገራሉ።