በ12 ባለሃብቶች ከንጋት ሃይቅ 3.8 ሚሊዮን ኪሎ ግራም አሳ መመረቱ ተነገረ፡፡

የካቲት 16/2018

በ12 ባለሃብቶች ከንጋት ሃይቅ 3.8 ሚሊዮን ኪሎ ግራም አሳ መመረቱ ተነገረ፡፡

በሃይቁ ካለው ከፍተኛ የአሳ ምርት አንፃር አሁንም ቢሆን በበቂ መጠን እየተመረተ አይደለም ተብሏል። ተጨማሪ ባለሃብቶች ወደ ስራው እንዲገቡም ጥሪ ቀርቧል፡፡

የታላቁ ህዳሴ ግድብ በፈጠረውና ንጋት በሚል ስያሜ በሚጠራው ሰው ሰራሽ ሃይቅ የሚድሮክ ኤትዮጵያ አካል የሆነው ኤልፎራ አግሮ ኢንዱስትሪን ጨምሮ 12 ባለሃብቶች ከጉባ አካባቢ ወጣቶች ጋር በመሆን በዚህ ዓመት 3ሺህ 895 ቶን ወይም 3.8 ሚሊዮን ኪሎ ግራም አሳ አምርተው ለገበያ ማቅረባቸውን ሰምተናል፡፡

ባለሃብቶቹ ለአሳ ምርት አስፈላጊ የሆኑ የማስገሪያ ማሽነሪዎችንና ምርቱን ለማጓጓዝ የሚሆኑ ማቀዝቀዣ የተገጠመላቸው ተሽከርካሪዎችን በማቅረብ ወደ ስራው መግባታቸውን ግድቡ የሚገኝበት የቤኒሻንጉል ጉሙዝ ክልል ግብርና ቢሮ የአሳ ሃብት ባለሙያ የሆኑት አቶ ቡሼን ቡፋ ነግረውናል፡፡