ርግበ ገብረ-ሐዋሪያ የተባበሩት መንግስታት የአካል ጉዳተኞች መብቶች ስምምነት ኮሚቴ አባል ሆነው ተመረጡ።

ሰኔ 3/2018

የአካል ጉዳተኞችና የሰብዓዊ መብት ተሟጋቿ ርግበ ገብረ-ሐዋሪያ የተባበሩት መንግስታት የአካል ጉዳተኞች መብቶች ስምምነት ኮሚቴ አባል ሆነው ተመረጡ።

የተባበሩት መንግስታት ድርጅት በተጓደሉ አባላት ምትክ ባካሄደው ምርጫ ኢትዮጵያ ለመጀመሪያ ጊዜ የኮሚቴው አባል መሆን ችላለች።

የኢትዮጵያ ሰብዓዊ መብቶች ኮሚሽን የሴቶች፣ህፃናት፣አካል ጉዳተኞችና አረጋዊያን መብቶች ኮሚሽነር የነበሩት ርግበ ገብረ-ሐዋሪያ ትናንት በኒውዮርክ በተካሄደው የሀገራት ሚስጥራዊ ምርጫ አሸናፊ ሆነዋል።

ከአባል ሀገራቱ የ133ቱን ድምፅ በማግኘት ከአፍሪካ ቀዳሚ ከዓለም ከተወዳደሩት አራተኛውን ከፍተኛ ድምፅ ማግኘታቸው ተነግሯል።

የተባበሩት መንግስታት የአካል ጉዳተኞች መብቶች ስምምነት ኮሚቴ፣በዓለም ዙሪያ የሀገራትን ከአካል ጉዳተኞች መብት ጋር የተገናኘ ደረጃ የሚፈትሽና የሚከታተል ነው ተብሏል።