ወጣቶች ከሱሰኝነት ለመጠበቅ የሚከወኑ ስራዎች ቢኖሩም ከማገገሚያ ከወጡ በኋላ መልሰው ችግር ውስጥ የሚገቡት ቁጥር ከፍተኛ ነው ተባለ

ሰኔ 2/2018


በኢትዮጵያ ወጣቶችና ታዳጊዎችን ከሱሰኝነት ችግር ለመጠበቅ የሚከወኑ ስራዎች ቢኖሩም ከማገገሚያ ከወጡ በኋላ መልሰው ችግር ውስጥ የሚገቡት ቁጥር ከፍተኛ ነው ተባለ፡፡

በተለይ በትምህርት ቤቶች አካባቢ ታዳጊዎችን ለሱስ የሚያጋልጡ ተቋማት አሁን መታየት ችግሩን ውሃ ቅዳ ውሃ መልስ እንዳደረገው ተነግሯል፡፡

አንድ ሰው የሱሰኝነት ችግር ገጥሞት የማገገሚያ ህክምና አድርጎ ወደ ቀደመ ህይወቱ ለመመለስ ብዙ ጊዜ ወስዶ ቢሰራበትም ከዚህ ችግር ወጥተው መልሰው እዛው የሚገኙ ታዳጊዎች ቁጥር ከፍተኛ መሆኑን የሚናገሩት መቋሚያ የተባለ የማህበረሰብ ድርጅት ዋና ዳይሬክተር እንዲሁም የሱስ ማገገሚያ ህክምና ላይ የሚሰሩት አቶ ኤልያስ ከላዩ ናቸው፡፡

ሱስን በማከም ሂደት ውስጥ ሲሰሩ መቆየታቸውን የሚናገሩት አቶ ኤሊያስ በማገገም ሂደት ህክምና ተደርጐላቸው ከሱስ ከወጡ በኋላ ወደ ችግሩ የሚመለሱ አሉ፡፡