ለመገናኛ ብዙሃን ባለሙያዎች የሙያ ብቃት ማረጋገጫ መታወቂ ለመስጠት የተጀመረው ስራ ከምን ደርሶ ይሆን?

ግንቦት 4/2018

ለመገናኛ ብዙሃን ባለሙያዎች የሙያ ብቃት ማረጋገጫ መታወቂ ለመስጠት የተጀመረው ስራ ከምን ደርሶ ይሆን? የኢትዮጵያ መገናኛ ብዙሃን ምክር ቤትን ጠይቀናል፡፡

የሚዲያ ባለሙያዎች የሙያ ማህበር የሆነው የኢትዮጵያ መገናኛ ብዙሃን ምክር ቤት በሚዲያው ዘርፍ ያሉ ባለሙያዎችን መዝግቦ የሙያ ብቃት ማረጋገጫ መታወቂያ ለመስጠት የሚያስችለውን ጥናት ማድረጉን የተናገረው የዛሬ ዓመት በዚህ ወቅት ነበር፡፡

102 የሚደርሱ የመገናኛ ብዙሃን ተቋማትን በአባልነት እንደያዘ የሚናገረው ምክር ቤቱ በኢትዮጵያ ምን ያህል ጋዜጠኞች እንዳሉ ለማወቅ ከመመዝገብ ጀምሮ የሙያ ብቃት ማረጋገጫ መታወቂያ ለመስጠት እየተዘጋጀሁ ነው ማለቱን ተከትሎ የመገናኛ ብዙሃን ባለስልጣንን ጨምሮ ከጋዜጠኞችም ምክር ቤቱ የብቃት ማረጋገጫውን መስጠት አይችልም የሚሉ ትችቶች ሲሰነዘሩበት ነበር፡፡