ባለፈው ዓመት የጥራት ጉድለት አለባቸው ከተባሉት ማዳበሪያዎች ውስጥ 4 መርከብ የሚሆነው ማስመለስ መቻሉን የኢትዮጵያ የግብርና ሥራዎች ኮርፖሬሽን ተናገረ፡፡

መጋቢት 10/2018

ባለፈው ዓመት የጥራት ጉድለት አለባቸው ከተባሉት ማዳበርያዎች ውስጥ 4 መርከብ የሚሆነው ማስመለስ መቻሉን የኢትዮጵያ የግብርና ሥራዎች ኮርፖሬሽን ተናገረ፡፡

ከዚህ በኋላ ተመሳሳይ ችግር እንዳይገጥም ለማድረግ ከኢትዮጵያ መረጃ ደህንነት አገልግሎት ኢንሳ ጋር አብሮ እየሰራ መሆኑን ኮርፖሬሽን ጠቅሷል፡፡

ከዚህ ቀደም በተቋሙ 5.6 ቢሊዮን ብር በመመዝበር የተቋሙ ከፍተኛ የስራ ኃላፊዎች በህግ ጥላ ስር መዋላቸው ይታወሳል፡፡

የተቋሙ ኃላፊዎች ሰርተውታል ከተባሉ ጥፋቶች መካከል ጥራቱን ያልጠበቀ ማዳበርያ ግዢ መፈፀም አንዱ ነበር፡፡

ታዲያ በዚህ አመት ይህ ስህተት እንዳይደገም አዲስ አሰራር ስራ ላይ መዋሉን የኢትዮጵያ ግብርና ስራዎች ኮርፖሬሽን ዋና ስራ አስፈፃሚ ወ/ሮ የሺእመቤት ነጋሽ ነግረውናል፡፡