በትምህርት ዘርፍ ላይ የሚደረገው ለውጥ ህብረተሰቡን ያሳተፈ አይደለም የሚል ጥያቄ እየተነሳ ነው መሆኑ ተነገረ፡፡

ታህሳስ 9/2018

በትምህርት ዘርፍ ላይ የሚደረገው ለውጥ ህብረተሰቡን ያሳተፈ አይደለም የሚል ጥያቄ እየተነሳ ነው መሆኑ ተነገረ፡፡

ይህ ሃሳብ የተነሳው ስለ ትምህርት እናውጋ ማህበር ባደረገው ውይይት ላይ ነው፡፡

በአዲስ አበባ ዩንቨርስቲ የሥነ ትምህርት እና የቋንቋዎች ኮሌጅ ባልደረባ የሆኑት ዶክተር ካሣ ሚካኤል ስለትምህርት እናውጋ ማህበር በተደጋጋሚ ኢትዮጵያ ውስጥ ስላለው የትምህርት ችግር በተመለከተ መመካከራቸውን ጠቅሰዋል፡፡

እነዚህ ማህበርተኞች በቅርቡ በብሪቲሽ ካውንስል በመገናኘት ባለፉት ጊዜያት የተወያዩባቸው ዋነኛ ጉዳዮችን የያዘ ሰነድ አሰናድተው ይፋ አድርገዋል፡፡

የዩኒቨርሲቲ ምሁራን ተማሪዎች የተማሪ ወላጆችና ሌሎችም አጋር አካላት አሉበት የተባለው ይህ ማህበር አሁን ስላለው የትምህርት ዘርፍ ችግር ጣት መጠቋቆም ለውጥ ሊያመጣ ስለማይችል ለችግሮቹ መፍትሄ ለማመልከት እና የራሱን ሀላፊነት ለመወጣት በማሰብ ምክክሮቹን እንደሚያደርግ ሰምተናል፡፡