የጤና ባለሙያዎችና ቤተሰቦቻቸው ምንም ወጪ ሳያወጡ የማህበራዊ ጤና መድህን ተጠቃሚ የሚያደርጋቸው አዲስ አሰራር ተጀምሯል።

ጥር 22/2018

የጤና ባለሙያዎችና ቤተሰቦቻቸው ምንም ወጪ ሳያወጡ የማህበራዊ ጤና መድህን ተጠቃሚ የሚያደርጋቸው አዲስ አሰራር ተጀምሯል።

በ2017ዓ.ም ማገባደጃ ላይ በህዝብ እንደራሴዎች ምክር ቤት በፀደቀው የጤና አገልግሎት አስተዳደርና ቁጥጥር አዋጅ፤ የጤናው ዘርፍ የመንግስት ሰራተኛ የጤና መድህን አባልነት መዋጮ ሙሉ በሙሉ በመንግስት የሚሸፈን መሆኑንና ዝርዝር አፈፃፀሙ በሚኒስትሮች ምክር ቤት በሚወጣ ደምብ እንደሚወሰን ተደንግጓል።

ይህንን ተከትሎ በመንግስት የጤና ተቋማት ተቀጥረው ለሚሰሩ የጤና ባለሙያዎች፣ለትዳር አጋሮቻቸውና ከ18ዓመት በታች ለሆኑ ልጆቻቸው እንዲሁም በመንግስት የጤና ተቋማት ለሚሰሩ የዘርፉ ድጋፍ ሰጪ ሰራተኞች ከመስከረም 2018 ዓም ጀምሮ የማህበራዊ የጤና መድህን ስርዓት እንዲዘረጋ የጤና ሚኒስቴር በወቅቱ ለክልሎችና ከተማ አስተዳደር ጤና ቢሮዎች ባሰራጨው ሰርኩላር ደብዳቤ ትዕዛዝ ማስተላለፉ ይታወሳል።