አዲስ አበባ ዩኒቨርሲቲ ስድስት ኪሎ ካምፓስ ቅጥር ጊቢ የሚገኘው ሙዚየም ሊታደስ ነው

ነሀሴ 9 2017

አዲስ አበባ ዩኒቨርሲቲ ስድስት ኪሎ ካምፓስ ቅጥር ጊቢ የሚገኘው፤ የገነተ ልዑል ቤተ መንግስት የአሁኑ ሙዚየም ሊታደስ ነው፡፡

ለእድሳቱ 4 ሚሊዮን ዩሮ እንደተበጀለት እና ወጪውም በጣሊያን መንግስት እንደሚሸፈን ሰምተናል፡፡

ቀዳማዊ ኃይለስላሴ ቤተ መንግስቱን ለአዲስ አበባ ዩኒቨርሲቲ በስጦታ ካበረከቱ በኋላ በ1955 ዓ.ም ሙዚየሙ እንደተቋቋመና በውስጡም በወቅቱ ንጉሱ ሲገለገሉባቸው የነበሩ እቃዎች፣ አልባሳትና ሀገርን የሚወክሉ ከ17,000 የሚልቁ ቅርሶች እንደሚገኙበት ሰምተናል።

በአፍሪካ ትልቁ ሙዚየም እየተባለ የሚጠራው አዲስ አበባ ዩኒቨርሲቲ ሙዚየም አሁን ላይ ሙሉ እድሳት ሊደረግለት እንደሆነ የዩኒቨርስቲው ጥናትና ምርምር ተቋም ተጠባባቂ ዳይሬክተር ዮሀንስ አደግ(ዶ/ር) ለሸገር ራዲዮ ተናግረዋል፡፡

ለእድሳቱ 4 ሚሊዮን ዩሮ እቅድ እንደተያዘለትና ሙሉ ወጭም በጣሊያን መንግስት እንደሚሸፈን ነግረውናል፡፡