Pio Mirković rojen je 1938. va selu Puntera i kad god more, re va svoje rodno selo. Za sebe reče da je Vlah i tako i govori. Kako otrok je priša stot va Rašu, otac mu je bi kovar. Va fameji je bilo 5 dice, bila je vela neimaština, ma su bili sretni. Osnovnu školu fini je va Raši, a pokle tega trgovačku. Prvo delo mu je bilo va butigi va Raši. Prišla je fameja, a Pio je vanredno studira ekonomiju i dela kuću va Rapci. Leta 1972. je magistrira, a '75. doktorira na ekonomiji va Zagrebi. Kako nan je reka "piše iz hobija i obaveze". Prva knjiga ku je objavi je Did, a pokle nje prišla su Rudareva djeca pa knjiga o Punteri, a sada je skoro gotova i knjiga Labinka. Misli napisat i knjigu "Labinski memento", o kroniki jenega vremena. Leta 1981. je poče delat va Rapci, a 1994. kako profesor na ekonomiji va Puli..